Soriako Rural Kutxak eta El Hueco Coworking guneak sustatuta 50 bazkide sortzaileko talde bat lotu zaio Sorian energia berriztagarrien sorkuntza eta erosle kooperatiba bat martxan jartzeko erronkari. 2015eko martxo erdialderako edo apirilerako hasi nahi dute merkaturatze lanekin.
Gainera, eman beharreko lehen urratsetan ez daude bakarrik, aitzitik, Goienerrekin eskutik helduta doaz. Izan ere, Goienerrek babesa eta laguntza osoa emango die proiektuaren hastapenetan, harik eta elektrizitate merkaturatze enpresaren espedientearen tramiteak egin eta behar adinako eskarmentua izan arte.
