Pasa den martxoaren 3an Amurrion Bazkide Eguna 2018 ospatu genuen. 120 pertsona inguru bildu ginen Zaraobe institutuan eta Baiwind enpresako Iñaki Garaioren eskutik eoliko txikia eta fotovoltaiko instalazio mistoek nola lan egiten duten ikusi ahal izan genuen.
Haserako aurkezpen baten ondoren, galdera erantzunen txanda iritsi zen eta jarraian ikastetxean bertan daukaten istalazioa bisitatu genuen. Gure hizlariak errotaren funtzionamendua azaldu zigun eta minutu batzutan martxan ikusi ahal izan genuen.
Amaitzeko, eta biltzen garen aldiro ohikoa denez, familia argazkia atera genuen eta animatuenak bazkari eder batekin ospatu genuen kooperatibak daraman ibilbide oparoa. Azken finean, eguraldi onak lagunduriko eta energiaz beteriko egun ederra. Jendeak gozatu zuen eta dagoeneko bada 2019ko bazkide egunean pentsatzen ari denik ere.
