Top
HarremanetarakoHarreman.

Goiener

Energia berriztagarrien sorkuntza eta kontsumo kooperatiba

Izan bazkide Kontratua egin Nire gunea 
18.426 bazkide / 22.102 kontratu

Lege aldaketak

Oharra: % 21eko BEZa eguneko merkatuko prezioaren arabera

.

2023ko abenduan, sektore elektrikoaren erregulazio- eta zerga-aldaketa berriak onartu ziren 2024 urterako.

Aldaketa horietako batek BEZaren zerga-tasari eragingo dio, eta haren balioa % 10ean ezarri da 10 kW-eko edo hortik beherako potentzia duten kontratuetarako, betiere azken hilabete naturaleko merkatuko prezioa 45 €/MWh baino handiagoa bada; bestela % 21era igoko da. Neurri hau 2024ko urtarrilaren 1etik abenduaren 31ra egongo da indarrean.

Argindarraren merkatuan, otsaileko batez besteko prezioa 40 €/MWh izan da. Beraz, fakturatutako tartearen azken eguna martxokoa bada, faktura horren zerga-tasa % 21ekoa izango da. Aurtengo fakturetan BEZa merkatuko prezioen bilakaeraren araberakoa izango da, ondorioz, litekeena da urtean zehar bi BEZ ezberdin izatea fakturazio hilabetearen arabera.

2024ko otsailaren 15etik aurrerako arau-aldaketak

.

2023ko abenduan, sektore elektrikoaren erregulazio- eta zerga-aldaketa berriak onartu ziren 2024rako, baina Ministerioak sistemaren karguak, kapazitatearen araberako ordainketak eta merkatu-operadorearen ordainsaria berrikusteke utzi zituen. Aldaketa horiek otsailaren 14an argitaratu dira, eta argitaratu biharamunean sartuko dira indarrean.

Zein aldaketa onartu dira?

Hauek dira 2024ko otsailaren 15ean indarrean sartuko diren eta zure argindar fakturari zuzenean eragingo dioten erregulazio-aldaketak:

— Sistema elektrikoaren karguak [1]: Berriro argitaratu dira, baina ez dago aldaketarik egungoekin alderatuta.

— Kapazitatearen araberako ordainketak [1]: % 13,3 jaitsi dira kontsumitutako energiaren egungo prezioarekiko.

— Merkatu-operadorearen ordainsaria [1]: % 10,6 igo da kontsumitutako energiaren egungo prezioarekiko.

Nola eragingo dizu?

Erregulazio-aldaketa horiek ez dute aldaketa nabarmenik eragingo energia-terminoaren prezio librean, eta, beraz, fakturan aldaketa oso txikia izango da.

Gure tarifen orrian argitaratuak ditugu xehe-xehe prezioak eta hauen eguneraketak.

[1] TED/113/2024 Agindua, otsailaren 9koa, 2024 ekitaldirako sistema elektrikoaren karguen prezioak ezarri eta sistema elektrikoaren zenbait kostu arautu ezartzen dituena.

Oharra ustezko iruzurraren aurrean

.

Goiener Taldeko hainbat bazkidek berriki jakinarazi diguten iruzur baten berri eman nahi dizugu. Pertsona batzuek telefono-deiak jaso dituzte ustezko «beren eskualdeko gestoria elektrikotik», kontsumitzaileei iruzur egiten saiatuz. Iruzurgile horiek informazio faltsua ematen dute, eta taktika iruzurtiak erabiltzen dituzte gure bazkideak energia-hornitzailez aldatzeko.

Iruzurgileek, aitzakiak alegatzen dituzte: 2024ko urtarrilaren 1etik indarrean dagoen ustezko Errege Dekretu baten arabera, ziurtatzen dute bazkideak eskubidea duela bere argindar fakturan beherapena jasotzeko, argia moztu diezaioketela edo aldaketa egitea ezinbestekoa dela gaur egungo legedira egokitzeko. Gainera, informazio pertsonala eskatzen dute, kontu-zenbakia adibidez, eta aurrerantzean fakturak beste merkaturatzaile batetik jasoko direla ere adierazten dute.

Azpimarratu nahi dugu Goiener Taldeak ez duela horrelako deirik egiten. Inoiz ez dizugu informazio pertsonalik eskatuko telefonoz, zuk eskatutako kudeaketa bat egiteko ez bada.  Eta ez dizugu gure hautu propioz energia-hornitzailean aldaketak egiteko aholkurik proposatuko. 

Iruzurretatik babesteko, gomendatzen dizugu informazio pertsonalik ez ematea, are gutxiago modu honetan zurekin harremanetan jartzen diren pertsonei. Egiaztatu ezazu deitzen dizunaren nortasuna. Zalantzarik izanez gero, zuzenean jar zaitez gurekin harremanetan, gure arreta kanal ofizialen bidez.

Bestalde, testu-mezuren bat jaso baduzu, merkaturatzailez aldatzeko esteka batekin, esteka horretan ez ezazu klik egin, baldin eta aurrez ez baduzu propio aldaketa bat eskatu. Zure informazioaren segurtasuna eta pribatutasuna oso garrantzitsuak dira guretzat. Aktiboki ari gara lanean kasuari aurre egiteko eta zuek babesteko beharrezko diren neurriak hartuko ditugu. Galderarik edo kezkarik baduzu, jarri harremanetan gurekin.

Zure konfiantza eta laguntza eskertzen ditugu. 

2024ko urtarriletik aurrerako arau- eta zerga-aldaketak

.

Urtero bezala, abenduan aldaketa fiskal eta arautzaile berriak onartu dira sektore elektrikoan 2024rako.

Zein aldaketa onartu dira?

Hauek dira 2024ko otsailaren 15ean indarrean sartuko diren eta zure argindar fakturari zuzenean eragingo dioten erregulazio-aldaketak eta kontuan izateko beste zenbait ohar:

— Argindarra garraiatzeko eta banatzeko sareetara sartzeko ordainsariak [1]: Potentzia-terminoa (finkoa) pixka bat murriztu da, aldiz energia-terminoa (aldakorra) handitu egin da eta gehiegizko potentziaren terminoaren prezioak % 0,4 murrizten dira.

— Sistemako operadorearen ordainsaria [2]: % 9,6 igo da kontsumitutako energiaren egungo prezioarekiko.

— Kontsumitzaileek bonu soziala finantzatzea [3]: % 82,8 murriztu da hornikuntza-puntu bakoitzeko egungo kostuarekin alderatuta.

— Gasa doitzeko mekanismoa: aurrez definituta zegoen moduan, 2024an ezabaturik geratu da.

— Argindarraren gaineko zerga berezia [3]: % 2,5era igo da lehen hiruhilekoan, % 3,8ra bigarrenean, eta hirugarrenetik aurrera % 5,11ko zerga-tasara itzuliko da. 0,5 €/MWh-ko gutxieneko kostuak mantenduko dira industriarako, eta 1 €/MWh-koa gainerako erabileretarako.

— Balio Erantsiaren gaineko Zerga (BEZ) [3]: 2025era arte, % 10era igoko da 10 kW-eko edo hortik beherako potentzientzako, azken hilabete naturaleko merkatu-prezioa 45 €/MWh baino handiagoa bada; bestela,% 21eko ohiko tasan.

Amaitzeko, beste aldaketa hauek onartu dira, epe labur edo ertainean argindarraren merkatuko prezioari eta/edo fakturari zeharka eragin diezaioketenak:

— Kontsumitzaileentzako bonu soziala [3]: Bonu sozialaren deskontuak eta hornidura-bermea 2024/06/30era arte luzatuko dira.

— Ekoizleek bonu soziala finantzatzea [3]: Gaur egungo balioarekiko % 82,8 jaitsi da (ekoizleek beren energiaren merkatuko salmenta-prezioan sartuko dute kostu hori).

— Energia Elektrikoaren Ekoizpenaren Balioaren gaineko Zerga [3]: % 3,5era igo da lehen hiruhilekoan, % 5,25era bigarren hiruhilekoan, eta, hirugarrenetik aurrera % 7ko zerga-tasara itzuliko da (ekoizleek beren energia merkatuan saltzeko prezioan sartuko dute kostu hori)

Nola eragingo dizu?

Kontsumitzaile tipo hauen fakturan (IEE eta BEZa, deskonturik gabeko tasan) aldaketa erregulatzaile horiek izango dutena erakutsiko dugu:

• 8,4 euro gutxiago urteko, 3,7 kW-eko potentzia kontratatua eta 1.700 kWh-ko urteko kontsumoa dituen etxebizitza batentzat.

• 1,22 euro gutxiago urteko, 10 kW-eko potentzia kontratatua eta urteko 7.500 kWh-ko kontsumoa dituen negozio edo establezimendu txiki batentzat.

• 19,6 euro gutxiago urteko, 15kW eta 22kW bitarteko potentzia kontratatua eta 22.000 kWh-ko urteko kontsumoa dituen enpresa txiki-ertain batentzat.

Ministerioak proposamen berriak dituenez, sistemaren karguei, kapazitatearen araberako ordainketei, merkatu-operadorearen ordainketari eta Energia Efizientziaren Funts Nazionalaren finantzaketari lotutako arau-aldaketa berriak espero dira datozen hilabeteetan.

Goiener tarifa kontratatua duzuen titularrek posta elektronikoz mezu bat jaso duzue duela gutxi. Mezu horretan, modu pertsonalizatuan kalkulaturik duzu nola eragingo dizuten araudi-aldaketa hauek.

Ohiko moduan, gure webgunean Goiener tarifen prezioak xehetasunez dituzu argitaratuta.

[1] Ebazpena, 2023ko abenduaren 21ekoa, Merkatuen eta Lehiaren Batzorde Nazionalarena, 2024ko urtarrilaren 1etik aurrera aplikatzekoak diren argindarraren garraio- eta banaketa-sareetarako sarbide-ordainsarien balioak ezartzen dituena.

[2] Ebazpena, 2023ko abenduaren 15ekoa, Merkatuen eta Lehiaren Batzorde Nazionalarena, 2024rako sistema elektrikoaren operadorearen ordainsariaren zenbatekoa eta hura finantzatzeko eragileei jasanarazi beharreko prezioak ezartzen dituena.

[3] 8/2023 Errege Lege Dekretua, abenduaren 27koa, Ukrainako eta Ekialde Hurbileko gatazkek eragindako ondorio ekonomiko eta sozialei aurre egiteko eta lehortearen ondorioak arintzeko neurriak hartzen dituena.

Oharra: 2024ko otsailaren 15etik aurrera arau-aldaketa berriak sartu ziren indarrean.

Kontsumitzaile Txikiaren Borondatezko Prezioaren (KTBP) erreforma

.

Edukien taula:

Nork kontrata dezake araututako tarifa (KTBP)?

Pertsona fisiko edo mikroenpresa diren hornidura-puntuen titularrek soilik eskuratu ahal izango dituzte Kontsumitzaile Txikiarentzako Borondatezko Prezioak (KTBP). Baldin eta 1 kV-etik gorako tentsioak ez badituzte eta ordu-tarte bakoitzean kontratatua duten potentzia 10 kW-ekoa edo txikiagoa bada.

Mikroenpresaren definizioa: Mikroenpresa bati izen hori ematen zaio mugatuak dituenean bai langile-plantilla (gehienez 10 langile), eta baita fakturazio-bolumena ere (urtean gehienez 2 milioi euroko fakturazioa).

2024ko urtarrilaren 1etik aurrera, kontratua indarrean duten eta KTBPa eskuratzeko baldintzak betetzen ez dituzten enpresek erreferentziako merkaturatzailearekin jarraitu ahal izango dute kontratua iraungi arte. 

Behin hornidura-kontratu hori iraungita, enpresa horrek merkatu libreko merkaturatzaile batekin hornidura-kontratu berririk formalizatzen ez badu, % 20ko errekargua aplikatuko zaio tarifan. Alegia, KTBP izateko eskubiderik ez duten baina hala ere merkaturatzaile libre batean ez dauden kontsumitzaileei aplikatuko zaien errekargu mota.

Energiaren prezioa

  • Energia elektrikoaren ekoizpen-kostua zehaztuko da fakturazioa dagokion aldian «eguneko merkatuaren» eta «egunean-eguneko merkatuaren» ordu-prezioetan oinarrituta, Merkatu Iberikoko eta Polo Portugaldarreko Operaporeak (OMIP) kudeatutako eperako-produktuen saski baten prezioan – zeinak barne hartzen dituen hileko, hiruhileko eta urteko produktua, sistema doitzeko zerbitzuen kostuak eta, hala badagokio, hornidurari lotutako beste kostu batzuk– errege dekretu honetan ezarritakoaren arabera.
  • Kontsumitzaile Txikiarentzako Borondatezko Prezioaren fakturazioa honela osatuko da: potentzia-fakturazioa, energia aktiboaren fakturazioa, bonu sozialaren finantziazio-fakturazioa eta, hala badagokio, energia erreaktiboaren fakturazioa.
  • Kontsumitzaile Txikiarentzako Borondatezko Prezioak (CPh) finkatzean kontuan hartu beharreko energiaren ekoizpen-kostuak h ordu bakoitzeko balio bat hartuko du, eta formula honen arabera kalkulatuko da: 

CPh = Orduko batez besteko prezioa + *Doikuntza-terminoa + Doikuntza-zerbitzuak + Beste kostu batzuk (ROM,ROS,PC…)

Doikuntzaren terminoan kontuan hartuko dira etorkizunekoen prezioak:

*Tah: Doikuntza-terminoa, ondorengo formularen bidez kalkulatzen da: 

Tah = TaE × FCh

Aldi berean, TaE: Prezioaren araberako doikuntza-terminoa, formula honen arabera kalkulatzen da: 

TAe = (A — 1) · Pmah + B · (Ft) 

Non: 

A: Eguneko eta egunez-eguneko merkatuaren haztapen-koefizientea, bateko hainbestean adierazia. 0,45 balioa hartuko du. 

Pmah: Eguneko merkatuaren emaitzetatik lortutako eguneko ordu-kurbaren batez besteko prezio aritmetikoa. 

B: Merkatuaren epekako ponderazio koefizientea, bateko hainbestean adierazia. 0,55 balioa hartuko du. 

Ft: etorkizunekoen saskiaren, urteko oinarrizko kargaren, hiruhilekoko oinarrizko kargaren eta hileko oinarrizko kargaren balioen batez besteko prezioa, errege dekretu honen 10.bis artikuluan ezarritakoaren arabera, euro/MWh-tan adierazita.

Hau da, eguneko merkatuaren pisua % 45 baino ez da izango, eta gainerako % 55 epekako beste hiru merkatuen araberakoa izango da.

Garrantzitsua: koefiziente horietara pixkanaka aldatuko da, eta 2026ko urtarriletik aurrera erabat ezarria geratuko da.

Behin-behinekoz, 2024 eta 2025 urteetarako, haztapen-koefizienteek balio hauek hartuko dituzte:

KoefizienteaUrteaBalioa
A20240,75
B20240,25
A20250,6
B20250,4

FCh: Energia bidezko zuzenketa-faktorea. Faktore hori energien arteko zatidura gisa kalkulatzen da, formula honen arabera: 

$$ FC_h = {AprovMPlazo \over DemandaPVPC_h \times B}$$

Non: 

Onespena: epe jakin horretarako merkaturatzaile guztien produktuen zenbatetsitako hornikuntza-bolumena, MWh-tan adierazita. Termino hori sistemaren operadoreak kalkulatuko du. Termino hori kalkulatzeko, erreferentziazko merkaturatzaileek aurreikusitako energia totalaren bolumena hartuko du kontuan eta etorkizuneko saskiko produktuen bidez estali beharko da.

KTBPEskaera: Erreferentziako merkaturatzaileen funtzionamenduaren eguneroko oinarrizko programaren batez besteko ordu-energiaren balioa, MWh-tan adierazita.

Etorkizunekoen prezioak pisu desberdina izango du urteko, hiruhileko edo hileko produktuaren arabera.

  • Hurrengo urteetako batez besteko prezioari aplikatu beharreko haztapen-koefizientea: 0,54
  • Hurrengo hiruhilekoetako batez besteko prezioari aplikatu beharreko haztapen-koefizientea: 0,36
  • Hurrengo hilabeteetako batez besteko prezioari aplikatu beharreko haztapen-koefizientea: 0,1

Ekoizpen-kostuaren kalkulu hori Ministerioaren agindu bidez alda daiteke, alderdi hauek moldatzeko:

  • Erreferentzia bat gehitzea energia enkante inframarginal, kudeagarri eta ez igorleetan ateratzen den prezioari, baldin eta enkante horietan erreferentziako merkaturatzaileen parte-hartzea aurreikusten bada.
  • 0,45eko haztapen-koefizienteak aldatzea «eguneko merkatu» eta «egunean eguneko merkatu» prezioetarako, eta 0,55ekoak etorkizunekoen saskirako.
  • Etorkizunekoen produktuei aplikatu beharreko haztapen-koefizienteak aldatzea (gaur egun, 0,54, 0,36 eta 0,1)

Bonu sozialaren fakturazioa

Orain arte, erreferentziako merkaturatzaileek ez bazuten bonu sozialaren kostu hau fakturatzen ere, EAOn iragarki hau argitaratu ostean fakturatzen hasi dira.

Bestalde, martxoaren 29ko 6/2022 ED indarrean sartu zenetik arau hau indarrean jarri den arte pasatako denbora tartean pilatutako kopuruak (bonu sozialari dagozkionak) ere berreskuratuko dituzte erreferentziako merkaturatzaileek.

Informazio gehiago: Estatuko Aldizkari Ofiziala.

Araututako prezioen aldaketak – 2023ko urtarrila

.

2022-12-30

Berriki onartutako lege-xedapenak direla eta, 2023ko urtarrilaren 1etik aurrera indarrean sartuko dira zure argindar-fakturan eragina izango duten araututako prezio berriak. Hona hemen aurreko prezioarekiko aldea:

Argindarra garraiatu eta banatzeko sareetara sartzeko bidesariak1Ez dago joera argi bat, ATR tarifaren eta tarifa-denboren araberakoa baita.
Sistema elektrikoaren karguak2Egungo prezioak baino %5,9 merkeago.
Kapazitatearen araberako ordainketak2Egungo prezioak baino %26 merkeago.
Merkatuko operadorearen ordainsaria2Egungo prezioak baino %40,9 garestiago
Sistemako operadorearen ordainsaria3Egungo prezioak baino %13,6 garestiago.

Bestalde, gaur egun indarrean dauden Argindarraren eta BEZaren gaineko Zerga Bereziari dagozkien neurri fiskalak 2023ko abenduaren 31ra arte luzatu dira.

Urtarriletik aurrera ohartuko zara, zure fakturetan bidesarien eta karguen prezioaz gain, kontsumitutako argindararraren prezio librea ere aldatu egingo dela. Izan ere, faktore hauek hartu behar dira kontutan kontsumitutako argindarraren prezio librea kalkulatzeko: argindarraren banaketan izandako galerak, energiak merkatu elektrikoan erostean zuen prezioa eta baita araututako beste osagai batzuek zutena ere.

Kontsumoaren prezio librea osatzen duten gainerako kontzeptuei dagokienez, Goienerrek ez du aldaketarik egin 2022ko azaroaren 1az geroztik.

Hona hemen kalkulu-estimazio bat, kontsumitzaile motaren arabera, argindarraren urteko faktura zenbat murriztu litekeen:

• 2,4€/urtean 3,7kW-ko potentzia kontratatua eta, urtean, 1.700 kWh-eko kontsumoa duen etxebitza tipo batentzat.

• 6,8€/urtean 10 kW-ko potentzia kontratatua eta, urtean, 7.500 kWh-ko kontsumoa duen negozio txiki edo establezimendu tipo batentzat.

• 30,3€/urtean 15-22 kW arteko potentzia kontratatua eta, urtean, 22.000 kWh-ko kontsumoa duen ETE tipo batentzat.


[1] Merkatuen eta Lehiaren Batzorde Nazionalaren 2022ko abenduaren 15eko ebazpena, 2023ko urtarrilaren 1etik aurrera argindarra  garraiatzeko eta banatzeko sareetara sartzeko bidesarien balioak ezartzen dituena.
[2] TED/1312/2022 Agindua, abenduaren 23koa, 2023ko urtarrilaren 1etik aurrera aplikatu beharreko sistema elektrikoko karguen prezioak eta 2023ko ekitaldirako sistema elektrikoaren zenbait kostu arautu ezartzen dituena.
[3] Merkatuen eta Lehiaren Batzorde Nazionalaren 2022ko abenduaren 15eko ebazpena, sistema elektrikoaren operadorearen 2023ko ordainsariaren zenbatekoa eta hura finantzatzeko agenteei jasanarazi beharreko prezioak ezartzen dituena.
[4] 20/2022 Errege Lege Dekretua, abenduaren 27koa, Ukrainako gerraren ondorio ekonomiko eta sozialei erantzuteko eta La Palma uhartea berreraikitzeaz gain, beste egoera zaurgarri batzuetan daudenei laguntzeko neurriei buruzkoa.

Pribatutasun politika - Lege oharra - Cookie politika - Kanal etikoa 2018 Goiener. Mallutz Industrialdea 18.pab 20240 Ordizia - Gipuzkoa.