Top
HarremanetarakoHarreman.

GoiEner

Energia berriztagarrien sorkuntza eta kontsumo kooperatiba

Izan bazkide Kontratua egin Nire gunea 
17415 bazkide / 21182 kontratu
ORDUTEGI BERRIA: Arreta ordutegia 9:00-13:00 eta 15:00-17:00 izango da astelehenetik ostegunera, ostiraletan 9:00-12:00. Informazio gehiago.

FAQ, maiz egiten diren galderak

TD tarifa berrien inguruko informazio gehiago etxeko (zein negozio txikietarako) kontratuetako informazio orrian edo bestela enpresentzako kontratuetarako informazio orrian aurki dezakezu.

Energia berriztagarriak bultzatuta, tokiko garapena sustatuta eta pertsonen parte hartzea ardatz nagusi hartuta, eredu energetikoa aldatzearen aldeko irabazi gabeko egitasmo batean parte hartzea esan nahi du GoiEner-en bazkide izateak. Goiener E.Koop. Energia % 100 berriztagarria merkaturatzen duen enpresa baino askoz ere gehiago da; gure bazkideak kontsumitzaile hutsak izatetik modu kolektiboan eta demokratikoan kooperatiba barruan erabakiak hartzeko aukera izatera pasatzen dira.
Izapide oroz gure taldea arduratzen den prozesu erraza da, 10 minutu baino lapurtuko ez dizuna eta iraunkortasunik ez daukana. Modu honetan energia fosilen eta kutsatzaileen ekoizleei ordaintzeari utziko diozu eta merkatuan energia berriztagarrien eskaera handitzen lagunduko duzu. Gure helburua da kooperatiba barruan energia kontsumo arduratsua egiten laguntzea; horrela, tarifak eta potentziak egokitzen aholkatzen dugu. Horrek, prezio politika justu eta gardenarekin batera, egiten du konfiantza izatea GoiEner-ekin kontsumitzen dutenen balore nagusia.
Goienerreko bazkide izateko, 100 euroko ekarpena egin behar diozu kooperatibaren kapital sozialari. Une horretatik aurrera kide kooperatibista izanen zara, eta GoiEner-ekin kontratatzeko aukeran izango zara. Pausoa emateko prest bazaude, harremanetarako datuak eta kontu zenbakia eskatuko dizugu, bazkidetzeko kuota giro bidez kobratu ohi dugulako. Une berean argindarraren kontratua GoiEnerrera ekarri nahi baduzu, izan ezazu eskura azken aldiko faktura bat. Hainbat bide dituzu kudeaketa egiteko: Merkaturatzaile aldaketa 2-3 egunetan burutu ohi den den prozesu administratibo hutsa da, hornikuntza puntuan inolako lan edo aldaketa teknikorik behar ez duena. Zure aurreko hornitzaileari ez diozu jakinarazpenik igorri behar, gurekin kontratua sinatu ondotik gu arduratuko garelako guztiaz.
GoiEner-ek merkatuan erosten du bazkideek kontsumitzen duten energia elektrikoa. Era berean, kooperatiba energia erabat berriztagarria ekoizten duten pertsonen edo entitateen jatorriaren bermearen egiaztagiriak jasotzen ditu. Gure burua %100 berriztagarritzat jotzeko, egiaztagiri berdeek bermatu behar dute bazkideek kontsumitu duten energiaren %100 energia berriztagarria ekoizten duen instalazioren batek sortua dela. Horrela, GoiEner-ek egun dagoen sare elektrikoa erabiliko du eta erabiltzearen truke bidesaria ordainduko du, bazkideen kontratuen islatuta dagoen kontzeptua. Aldi berean, GoiEner-ek energia ekoizteko egitasmo txikiak garatzeko lan egiten du lau arlotan: biogas, fotovoltaiko, eoliko eta biomasa. Gure helburua da bazkideen argindar eskaera garatutako egitasmo berriekin asetzea. Horixe da bultzatzen dugun ereduaren bertute nagusia: edozeinek, nonahi bizi dela ere, energia berdea kontsumi dezake eta guztion artean kooperatibaren egitasmo propioei esker handitu egiten dugu energia berriztagarria sortzea.
Sare elektrikoaren punturen bateko matxura dela eta argindar mozketa bat balego, zure eremuari dagokion banatzailea da konponketaren arduraduna.

Argindar falta jakinarazteko, zure fakturaren lehen orriko matxurak atalean aurkituko duzu deitu beharreko telefono zenbakia.


Matxura konpondu bada eta argirik gabe jarraitzen baduzu irakurri «Nola berrarmatu daiteke kontadorea?» hurrengo galdera. Matxurak zure argindar sarera konektatutako gailuren bat hondatu badu banatzaileari inzidentzia zenbakia eskatu behar diozu. Seguruari parte emateko garaian aipaturiko inzidentzia zenbakia aipatu beharko duzu. Arazoa etxe barruan gertatu bada, instalazioa berrikusteko baimendutako instalatzaile batekin jarri beharko duzu harremanetan.
Tentsiorik ez dagoenean Potentzia-Kontrol Etengailuaren eraginez, hauek dira jarraitu beharreko urratsak:
  1. Deskonekta itzazu potentzia handiena duten etxetresna elektrikoak.
  2. Deskonekta ezazu etengailu orokorra, koadro orokorrean kokatzen dena. Bertan Potentzia-Kontrol Etengailua ere egongo balitz, deskonekta ezazu.
  3. Itxaron 5 eta 10 segundu bitartean.
  4. Konekta itzazu 2. urratsean deskonektatu dituzun etengailuak. Segundu batzuetan berreskuratuko duzu zerbitzua.
  • Zure familiari abala eman diezaiokezu aurrekoenganako lerroan soilik (gurasoak, aiton-amonak).
  • Bazkide bazara zure izenean dauden kontratuak pasa ditzakezu, betiere pertsona titularra zu zeu zarenean.
  • Autonomo gisa lan egiten baduzu, eta zure negozioko hornidura-puntua zure izenean badago, animatu zaitez faktura GoiEnerrera aldatzen.
  • Kontraturik gabeko bazkidea bazara beste pertsona baten kontratu bakar bat abalatu dezakezu.
  • Pasa ezazu zure bikotearen kontratua. Bizikidetza agiria edo familia-liburua behar dituzu soilik.
Ez, Goienerrekin kontratua aldatzeko harremanetan jartzen zarenean, gu gara merkaturatzaile aldaketa kudeatzen dugunak, prozesuan zehar arazorik ez egoteko. Merkaturatzaile berria aldaketa kudeatzeaz arduratzen da, eta aurrekoari aldaketari buruzko informazioa ematen dio. Gogoratu ez zaiola inoiz lehengo merkaturatzaileari hornikuntzaren baja eskatu behar; urrats hori emanez gero baliteke argindarrik gabe geratzea. Hornikuntzaz aparteko zerbitzuak kontratatuta daudenean, gure gomendioa da aldaketa egina dagoenean aintzineko merkaturatzaileari abisatzea, zerbitzu gehigarri horiek amaitzeko. Hornikuntzaz gu arduratuko gara.
Goienerrek jaulki dizkizun faktura guztiak, «Nire gunea» ataletik deskargatuko dituzu erraz. Gune honetan sartzeko botoia gure webguneko goiko aldean azaltzen da.
Nire gunea  Pasahitza lortzeko edo berreskuratzeko Goienerrekin kontrataturik duzun hornidura puntu baten kontratu zenbakia beharko duzu eta gero zure datu pertsonalak. Sakatu «Ez dut gogoratzen edo ez dut pasahitzik» esteka. Kontratuan bertan edo emailez bidali dizugun azken fakturan topatuko dituzu kontratu zenbakiaz gain: IFZ eta kontu zenbakia (adi, kontuaren azken 4 digituak eskatzen ditu).

Bai, konpentsatutako soberakindun motakoa bada, apirilaren 5ean argitaratutako 244/2019 Errege Dekretuan legeztatzen dira konpentsaziorako arauak. Goienerren zure soberakin energetikoa fakturan konpentsatu ahalko duzu energia terminoa zerora iritsi arte eta hortik gorakoak Diru-Zorroan gehituko dizkizugu hurrengo faktura batean erabili ahal izateko edo zure bigarren hornidura puntu bati egozteko.

Gure autokontsumo konpentsazio tarifa hiru hilabetez behin eguneratzen dugu oro har. Azkenengoa 0,0839 €/kWh da.

Bai, kooperatiban baja emateko kasuan derrigorrezko ekarpena itzuliko litzateke. Itzulpen hori Estatutu Sozialetako 57. artikuluak (ikusi PDFa) azaltzen duen baldintzetan egingo litzateke. Ekarpenaren zenbatekoa kalkulatzeko, baja gauzatzen den aurreko ekitaldiko balantzea izango da kontutan.

Erreklamazioa egin duzunetik 30 egun igaro baldin badira, arreta zerbitzutik jasotako erantzunarekin ados egongo ez bazina, Junta Arbitral Nazionalera jo ahalko zenuke, beraien bitartekaritza edo arbitrajea eskatuz.

Gainera, nahi duenak eskuragarri ditu erreklamazio orriak gure bulegoetan, posta elektronikoz edo telefono bidez eskatu daitezke:

• Posta elektroniko bidez: fakturazioa@goiener.com

• Telefono bidezko arreta zerbitzura deituz 900 816 365 / 943 088 444 (kontsultatu ordutegiak harremanetarako orrian).

Kudeaketa administratiboak

Goienerrekin kontratua egiteko ezinbestekoa da bazkide izatea, kasu zehatz batzuen salbuespenarekin.

Kontratu baten titularra aldatu nahi izanez gero, titular berria da beti kudeaketa egiteko arduraduna, hark sinatu beharko baitu kontratu berria. Gaur egungo kontratua Goienerren edo beste edozein merkaturatzailean egonda ere, honakoak dira eman beharreko pausoak:

  1. Titular aldaketa eskaera inprimakia bete eta kontratuak@goiener.com helbidera bidali.
    • Inprimakia betetzeko behar dituzun datu gehienak fakturan aurkituko dituzu.
    • Inprimakia titular berriak eta aurreko titularrak sinatu behar dute. Sinadura horien faltan, edo sinadura lortzea baino errazago bazaizu, eskritura, erregistroko agiria, alokairu/salerosketa kontratua edo antzeko dokumentuaren kopia/argazkia erantsi inprimakiarekin batera.
  2. Eskaera jaso orduko, kontratu berria prestatu eta e-mailez bidaliko dizugu.
    • Oraindik ez bazara Goienerreko bazkide, bazkidetzeko ekarpena (100€) kontutik kobratu eta bazkide zenbakia emailez bidaliko dizugu.
    • Kontratu-proposamena e-mailez jasoko duzu. Paperean/digitalki sinatu edo SMS bidez onartu dezakezu.
  3. Kontratua onartu orduko aldaketa martxan jarriko dugu eta prozesua bukatzerakoan emailez emango dizugu berri. Titular aldaketa 1-3 egunetan burutu ohi da. Aldaketa egunera arteko kontsumoak aurreko titularrari likidatuko zaizkio.
Eraiki berri den etxea erosi baduzu edo argindarra bajan badago alta berria eskatu behar duzu. Engantxea egiteagatik, legez ezarritako prezioa kobratuko digu banatzaileak. Kostu hau kontratatu nahi duzun potentziaren araberakoa da, eta berdina da edozein merkaturatzailerekin eginda ere (behin potentzia erabakita, kostu zehatza kalkulatuko dizugu). Honakoak dira alta berria kudeatzeko pausoak:

  1. Alta berri inprimakia bete eta kontratuak@goiener.com helbidera bidali.

    • CUPS/HPKU kodea zure hornidura puntua identifikatzen duen erreferentzia da. Etxea edo lokala promozio berri batean badago, promotorak edo instalatzaileak emango dizu kode hori. Beste kasuetarako, faktura zahar batean edo zure zonaldeko banatzaileari deituz eskuratu dezakezu.
    • Kontrataturiko potentzia eta tarifa mota norberak erabaki beharreko ezaugarriak dira, bakoitzaren behar eta ohituren arabera egokitu behar baitira. Aholkua behar izanez gero jar zaitez gurekin harremanetan.
  2. Eskaera jaso orduko, hornikuntza kontratua prestatu eta e-mailez bidaliko dizugu.
      • Oraindik ez bazara Goienerreko bazkide, bazkidetzeko ekarpena (100€) kontutik kobratu eta zure bazkide zenbakia bidaliko dizugu.
      • Kontratu-proposamena e-mailez jasoko duzu. Paperean/digitalki sinatu edo SMS bidez onartu dezakezu.
  3. Kontratua onartu orduko, zure zonaldeko banatzaileari kontagailua jartzeko eskatuko diogu. Hortik aurrera 5 laneguneko epea dute engantxea egiteko.
Fakturak helbideratzeko kontu zenbakia aldatu nahi baduzu, idatzi  kontratuak@goiener.com helbidera honako datuak emanez:
  • Hornikuntzaren helbidea edo kontratu zenbakia.
  • Kontu zenbaki berria.
  • Kontu zenbakiaren titularra orain artekoaz beste pertsona bat bada:

NAN eta izen-abizenak.

E-mail helbidea.

Telefonoa.

Aldaketa eskatzen diguzun unetik aurrerako fakturak kontu zenbaki berrian kargatuko ditugu.

Hornidura puntua bajan emateko, hornidura baja eskaera inprimakia bete eta kontratuak@goiener.com helbidera bidali. Eskaera jaso eta gero, prozesua 1-3 lanegunetan burutu ohi da. Kontuan izan baja eman ondoren hornidura puntu horretan argindarra berreskuratzeko alta berriaren kostuak ordaindu beharko direla. Hori dela eta, alokairu, salerosketa eta antzeko kasuetan baja beharrean inongo kosturik ez duen titular aldaketa egitea gomendatzen dugu.

Obrako kontratu bat egiteko, obrako alta eskaera inprimakia bete eta kontratuak@goiener.com  helbidera bidali.

Obrako engantxea egiteagatik, banatzaileak legez ezarritako prezioa kobratuko digu. Lanak bukatzerakoan, obrako kontratuaren baja eta alta berria (behin betikoa) egin beharko duzu.

Aldi baterako (jaiak, ekitaldiak…) kontratua behar izanez gero, behin-behineko kontratu eskaera inprimakia  bete eta kontratuak@goiener.com helbidera bidali. Inprimakiarekin batera Instalazio Elektrikoaren Ziurtagiria bidali. Informazio gehiago.

Goienerreko bazkide izateari utzi nahi badiozu, lehenik eta behin zure hornidura kontratuak eten behar dituzu. Ondoren, bazkidetza baja inprimaki hau bete. Kopia bat iritsiko zaizu, sinatu eta bazkidetza@goiener.com helbidera bidali. Eskaera Kontseilu Errektoreari igorriko diogu, eta behin onartuta bazkidetzeko unean eginiko ekarpena transferentzia bidez itzuliko dizugu.

Goienerreko bazkide zenbakia eta hornikuntzaren datu guztiak edozein fakturan aurkituko dituzu:​

Pribatutasun politika - Lege oharra - Cookie politika 2018 GoiEner. Mallutz Industrialdea 18.pab 20240 Ordizia - Gipuzkoa.