Goienerren uste dugu informazioa ahalik eta era argi eta gardenenean eman behar dugula, horregatik, fakturetan datuak emateko era aldatzera goaz, eta azaldu nahi dugu kontratu indexatuetan kalkuluak nola egiten diren. Honek, inolaz ere, ez du ekarriko prezioak igotzea edo adostutako baldintzak aldatzea, soilik fakturan informazioa era ezberdinean azaltzea baizik.
Tarifa eta tarifa tarteko azken prezioa kalkulatzeko ondorengo formula erabiltzen da:
Prezioa = 1,015 x Galerak x (Eguneko Merkatuak+ Doitze Merkatua + Araututako Prezioak + Goiener Kudeaketa)
Kontzeptuen azalpena:
• Galerak: dagozkion prezioari ehuneko bat ezartzen zaio tarifari lotutako garraio eta banaketan izandako galerekin. Alegia, energia aktiboa jatorrian kontsumitutako energiara jasotzen da ondoren prezioaren kontzeptu ezberdinekin biderkatzeko.
• Eguneko Merkatua: (OMIE) merkatuko operatzailearen eguneko merkatuaren ordukako prezioa.
• Doitze Merkatua: (REE) Sistemako Operatzailearen Doitze Merkatuen Prezioak.
- Funtzionamendu Oinarri Programa
- Murrizketa Tekniko Prezioa
- Denbora Erreala Murrizketa Tekniko Prezioa
- Eguneko Murrizketa Tekniko Prezioa
- Bigarren Mailako Banda Eskari Prezioa
- Igotzeko Potentzia Erreserba Prezioa
- Desbideratzeen Kitapen Prezioa
- PO 14.6 Kitapen Prezioa
- Potenzia Faktore Kontrol Prezioa
- Energia Balantze Ez Betetze Prezioa
- Etete Zerbitzu Prezioa
- Desbideratze Prezioa
- Eskaeraren Erantzun Aktiboa
- CT3 Tentsioa kontrolatzeko kostua
• Prezio Arautuak: Egungo arautegian erregulatutako kontzeptuen prezioak. Balio finkoa da arautegia aldatzen ez den bitartean.
- Kapazitateagatiko Ordainketen Prezioa
- Merkatuko Operatzaileari Ordainsari Prezioa
- Sistemako Operatzaileari Ordainsari Prezioa
• Goiener Kudeaketa: Goienerrek ezartzen duen kontratuaren kudeaketa prezioa
(1,015ak aipamen egiten dio Goienerrek –lurzorua okupatzeagatik– bere gain hartu behar duen Udal Tasen ordainketari, energiagatik fakturatutako zenbateko osoaren % 1,5ari dagokiona)
Informazioa publikoa da, Goiener Kudeaketa kostua izan ezik. Hau kontratuan azaltzen da, beraz, edozein kontsumitzailek bere fakturan egiaztatu dezake. Merkatuko galera eta ordukako prezioak www.esios.ree.es orrialdean kontsulta daitezke.
