Kontsultak, eskaerak, iradokizunak, kexak eta erreklamazioak

Eskaera zehatz bat da, Goienerrek erantzun bat eman edo ekintza bat betetzeko helburuz egina.

Mota ezberdinetakoak izan daitezke: arazo bat konpontzeko eskaerak, informazio-eskaerak, zalantzak argitzeko eskaerak edo kontratu-aldaketak egiteko eskaerak, adibidez.

• Fakturak eskatu edo berrikusi nahi dituzunean.
• Zure datuetan aldaketak egin nahi dituzunean.
• Energia aurrezteari buruzko informazioa eskatu nahi duzunean.
• Tarifari buruzko aldaketak egin edo zalantzak argitu nahi dituzunean.
• Merkaturatzaile altak eta bajak eskatu nahi dituzunean.
• Kontratazioarekin arazoak dituzunean.

Zenbait eskaera kudeatzea argindar banatzaileari dagokio, baina Goiener merkaturatzailearen bidez ere kudeatu ditzakezu:

• Kontagailuaren irakurketen berrikuspenak.
• Arazoak kontagailuarekin.
• Arazoak horniduraren kalitatearekin (etenak, mikro-etenak, tentsio-erorketak…).

Harremanetarako formulario honen bidez egin dezakezu zure kontsulta edo eskaera.

Egin dezakezu harremanetarako ohiko beste bideak erabiliz ere (bulegoan bertan, telefonoz, posta elektronikoz edo posta arruntez).

Gehienez 30 eguneko epean erantzuteko betebeharra dugu, baina saiatuko gara lehenago erantzuten. Egindako kontsulta edo eskaerari kode bat jarriko diogu, jarraipena egin diezaiozun.

Kontuan izan eskaera batzuk ebazteko epea enpresa banatzailearen epeen araberakoa izan daitezkeela.

Goiener hobetzen lagunduko digun aholku bat da.

• Prozesu bat optimizatzeko proposamen bat duzunean.
• Teknologia berri bat ezartzeko proposamen bat duzunean.
• Zerbitzuren bat hobetzeko proposamena duzunean (faktura, bazkideentzako arreta, etab.).
• Edo zure ustez hobetzeko lagungarri izango zaigun edozein proposamen duzunean.

Harremanetarako formulario honen bidez egin dezakezu zure iradokizuna.

Harremanetarako ohiko beste bideak erabiliz ere egin dezakezu (bulegoan bertan, telefonoz, posta elektronikoz edo posta arruntez).

Kexa bat da gurekin gustura ez zaudela adierazteko modu bat, gure zerbitzu, jasotako tratu edo beste arrazoiren batengatik.

Erreklamazioa ere gustura ez zaudela adierazteko modu bat da. Baina, gainera, kontsumitzailearen eskubideen aitorpena edota nolabaiteko konpentsazioa eskatzeko jartzen da.

Erreklamazio batzuk enpresa banatzaileari jarri beharrekoak dira, baina Goiener merkaturatzailearen bidez kudeatu ditzakezu:

• Horniduraren kalitatearekin izandako arazoek (etenak, mikro-etenak, tentsio-erorketak…) eragindako kalteengatik.
• Obrek edo instalazioetako elementuen hausturek edo erorketek eragindako kalteengatik.

• Gustura ez zaudenean Goienerrek emandako zerbitzuengatik, jasotako tratuagatik edo beste arrazoiren batengatik.
• Kontsumitzaile gisa zure eskubideen aitorpena edota nolabaiteko konpentsazioa lortu nahi duzunean.

Kexa edo erreklamazioa jarri dezakezu kexa eta erreklamazioen formularioaren bidez.

Jarri dezakezu harremanetarako ohiko beste bideak erabiliz ere (bulegoan bertan, telefonoz, posta elektronikoz edo posta arruntez).

Gehienez 30 eguneko epean erantzuteko betebeharra dugu, baina saiatuko gara lehenago erantzuten. Egindako kexa edo erreklamazioari kode bat jarriko diogu, jarraipena egin diezaiozun.

Kontuan izan kexa edo erreklamazio batzuk ebazteko epea enpresa banatzailearen epeen araberakoa izan daitezkeela.

Erreklamazioa egin duzunetik 30 egun igaro badira, arreta zerbitzutik jasotako erantzunarekin ados egongo ez bazina, Kontsumoko Arbitraje Batzordera jo dezakezu, beraien bitartekaritza edo arbitrajea eskatuz.

• Nafarroako Kontsumoko Batzorde Erazlea
• Kontsumoko Euskal Institutua
• Kontsumoko Arbitraje Sistema