Fauneando

Gure lana ekoturismo eta ingurune hezkuntza jarduerak eskaintzean datza; hain zuzen ere, interpretazio ibilbideak, ingurune hezkuntza arloko tailerrak eta ikastaroak eskaintzen ditugu. Horrez gain, baso-hegaztiak behatzeko eta argazkiak ateratzeko behaleku bat ere badugu. Fauna basatiaren jarraipenerako zentsoak egiten ditugu, espezieen kontserbaziora zuzendurik.

Hegaztiak behatzeko behatokia Izkiko mendietan dago, Trebiñu eta Arabako Mendialde artean, alegia, hegazti eta fauna ikuspegitik oso gune interesgarri eta aberatsean. Interpretazio-ibilbideak ere batik bat ingurune honetan eskaintzen ditugu, senderismoaren bidetik ingurune naturala behatu, gozatu eta interpretatuz eta bertako herri-kultura jakinaraziz.

Ingurune hezkuntzarako tailerrak “nahierara” eskaintzen ditugu. Ornitologian eta oro har fauna basatian adituak garenez ildo horretako jarduera asko prest ditugu, esaterako animalien aztarnak ezagutzeko tailerrak, ornitologiaren hastapenerako tailerrak, habi-kutxak egitekoak, hegaztiak zentsatzeko metodologia irakasteko jardunaldiak eta abar.

Gure proiektu guztietan helburu nagusi bera daukagu: bezeroek naturaren kontserbazioarekin lotutako ikasketa eta sentsibilitate esperientzia paregabea bizi dezatela, behaketa motela sustatuta, naturarekin sentitzen dugun irrika kutsatzen saiaturik eta gure eskualdeko landa-garapen jasangarrian lagunduta.