Iraupena: 2020/09/1 – 2023/08/31
Dirulaguntza-hitzarmenaren zenbaki identifikatzailea: 890437
Proiektuaren arduraduna Goienerren: Aitor Ossa Rissanen
Kontaktua: powerpoor@goiener.com
Deskribapena eta helburuak
Babesa ematea pobrezia energetikoari aurre egiteko proiektuei
Pobrezia energetikoa erronka garrantzitsua dugu gaur egun. Horren aurrean, babes-programak eta finantza-ekimen alternatiboak sortu dira, baliabide energetiko gutxiko herritarrei eragiten dizkien ondorioak arintzen laguntzeko bitarteko bideragarri gisa. POWERPOOR proiektua Europako funtsekin finantzatu da, eta haren bidez baliabide energetikorik gabeko herritarrei laguntzeko programak garatu dira, baita finantzaketa-aukera alternatiboak sustatu ere, esaterako kooperatibak edo finantzaketa kolektiboa. Honako hauek sustatuko ditu, hein handi batean, POWERPOOR proiektuak: esperientzia eta ezagutzen trukea, energia-eraginkortasuneko eskala txikiko esku-hartzeak, eta energia-iturri berriztagarrien bidezko sorkuntza. Laguntza-proiektu pilotuak planifikatu eta garatu dira Europar Batasuneko (EB) zortzi herrialdetan, bidelagun-sarearen bidez, energia-baliabide urriak dituzten 22.000 familia baino gehiagori lagunduz, eta herritarren parte-hartzea sustatuz. Emaitzek arduradun politikoen ezagutza-maila hobetzen lagundu dute, eta mundu zabalean zein EBn garatuko diren ekimenetan erabili dira.
Goienerren rola
Energiak herritarrena eta herritarrentzat izan beharko luke, horra Goienerren funtsezko printzipioetako bat, lanean hasi zen unetik beretik. Energia-sistema bidezko batek ezin du inor utzi duin bizitzeko oinarrizko baliabiderik gabe, esaterako, energiarik gabe. Horregatik, Goienerrek hainbat urte daramatza Goiener Soziala programa garatzen, helburua delarik holako eta halako pertsona zein kolektiboei pobrezia energetikoari aurre egin ahal izateko beharrezko tresnak prestatu eta eskuraraztea.
Ildo horretatik, POWERPOOR proiektuak egoera ahulenean dauden pertsonen ahalduntzean harago joateko aukera eman du, baita pobrezia energetikoarekin harreman estuan bizi diren gizarteko beste sektore batzuetan ere. Goienerrek koordinatutako lankidetza-sare zabal baten bidez egin da hori, proiektuan garatutako tresna eta ezagutzak erabili dituzten programa pilotuen baitan. Programa pilotu horien helburu nagusia egoera zaurgarrian dauden pertsonei laguntzea eta horien egoera hobetzeko baliabideak eskaintzea izan da. Goienerrek, berriz, bere ezagutzak eta prozesu kooperatibo eta kolektiboetan duen esperientzia jarri du, bai eta pobrezia energetikoaren arloan duen esperientzia ere.
Hala, Goiener arduratu da gizarteko hainbat sektoretako pertsonak prestatzeaz, egoera energetiko zaurgarrian dauden pertsonei laguntza pertsonalizatua eskaini ahal izateko energia-aurrezpenari, energia-eraginkortasunari eta energia-sorkuntza berriztagarriari buruz.Gainera, pertsona horietako batzuek laguntza eskaini dute ekimen kolektiboetan parte hartzeko aukerei buruz, baita ekimen kolektiboak eta finantzaketa alternatiboko bideak (energia-komunitateak, energia-kooperatibak, crowdfundinga, etab.) sortu eta kudeatzeko aukerei buruz ere. Horrez gain, zenbait entitatetako pertsonak pobrezia energetikoko toki-bulegoak martxan jartzeko trebatu dira, proiektuan eskuratutako tresna eta ezagutzei segida emanez, laguntza-programak proiektuaren iraupenetik harago luzatu ahal izateko.
Horrek guztiak Goienerri eta gainerako entitateei lagunduko die pobrezia energetikoaren inguruko jakintzan sakontzen, esperientziaren eta ezagutza-trukearen bidez, bai eta ekimen kolektiboen ikuspegitik pobrezia energetikoa murrizteko tresnak hobetzen edo garatzen ere. Azkenik, toki edo eskualdeko administrazio publikoek pobrezia energetikoaren auziari heltzeko estrategiak ere garatu dira, erakunde horiek funtsezkoak baitira energia-eredu bidezkoago eta demokratikoago batean.
Parte hartu nahi?
Proiektuari jarraipena emango dion Powerpoor aliantzan parte hartzeko interesik baduzu, erakunde edota norbanako modura, idatzi powerpoor@goiener.com helbidera.
Dokumentuak
Bideoak
Estekak
- Powerpoor proiektuak pobrezia energetikoa arintzeko laguntza-programak eta tresnak garatu ditu Europako zortzi herrialdetan (ESEficiencia aldizkariaren artikulua).
- Pobrezia energetikoa ardatz hartuta, jardunaldi arrakastatsuak.
- «Nola heldu energiari ikuspegi sozialetik?» jardunaldiko bideoa.
- Energiari ikuspegi sozialetik eusteko jardunaldiak Hernanin.
Albisteak
Proiektu honi buruz gehiago jakin edo informazioa jaso nahi baduzu, bisita ezazu proiektuaren web-orria.
Proiektu honek Europar Batasunaren Horizonte 2020 ikerketa eta berrikuntzako programaren finantzaketa jaso du, 890437 zk.ko finantzaketa-akordioaren pean.
Proiektuan parte hartu nahi duzu? Informa zaitez eta izena eman ezazu formazio ikastaroetan.
Hurrengo ikastaroa: 2023ko otsailaren 6tik 17ra, ordutegi malguarekin.
Proiektu guztiak:
