3.0TDVE Indexatua

Kontratatutako potentziaren kW bakoitzeko urteko kostu finko bat ordaintzen da, eta kostu hori faktura bakoitzaren egun kopuruaren arabera banatzen da.

Potentziaren prezioek islatzen dituzte gobernuak argindarraren garraiorako eta banaketarako (ordainsariak) ezartzen dituen gastu finkoak, baita sistemaren karguak ere. Kostu horri, Goienerren kudeaketagatik kopuru osagarri bat gehitu ahal zaio.

Energiaren prezio librea orduero aldatzen da handizkako merkatuko benetako kostuaren arabera. Prezio honek barne hartzen ditu: batetik OMIE prezioa eta bestetik ordainsariak, karguak eta kapazitatearen araberako ordainketak.

Kostu horri kopuru bat gehitu behar zaio Goienerren kudeaketagatik: merkaturatzailearen marjina, % 100 berriztagarria den energiaz hornitzeko bere gain hartzen duen gastu gehigarria eta Energia Efizientziaren Funts Nazionalari nahitaez egin beharreko ekarpena. Hemen zehatzago azaltzen dizugu azken prezioa nola eratzen den.

Goienerren kudeaketa-kostua kontsumoaren arabera kalkulatzen da, eta 0,018 eurokoa da kontsumitzen den kWh bakoitzeko. Era berean, fakturako gutxieneko kudeaketa-kostu bat egongo da. Kostu hori fakturatzen diren egunen arabera kalkulatzen da: 0,17 euro fakturatutako egun kopuruagatik (adibidez, fakturak 30 egun baditu, gutxieneko kudeaketa-kostua 5,10 eurokoa izango litzateke). Horrek esan nahi du: kontsumoaren araberako kudeaketa-kostuaren kalkuluak gutxieneko kostua gainditzen badu, kalkulatutako kudeaketa-kostua aplikatuko dela. Aldiz, kudeaketa-kostuaren kalkulatutako zenbatekoa txikiagoa bada, gutxieneko kostua aplikatuko da.

Argindarraren garraio- eta banaketa-gastuetarako (ordainsariak) eta sistemako karguetarako, kontsumoari aplikatu beharreko prezioak aldatu egingo dira energia kontsumitzen duzun unearen arabera, tarifa-tarte ofizialak kontuan hartuta.