Arturo Campion euskaltegia - IKA

1971-1972 ikasturtetik helduei euskara irakasten ari den IKA sareko euskaltegia dugu Arturo Campion.

Hauxe da gure helburua: euskaraz ariz ikastea, eta euskaraz aritzeko ikastea. Euskal hiztunak erdiestera bideraturiko metodologia baita gurea, eskolak euskara hutsean emanez ahal den jende gehiena euskaldundu nahi baitugu, ikaslea ahal bezain bizkor egunerokoan euskaraz aritzeko gauza izan dadin.

Euskaltegi honetara hurbiltzen den ikasleak esperientzia handiko irakasle taldea izaten du bide erakusle eta laguntzaile gure hizkuntza, Lingua Navarrorum-a, ikasteko ahaleginean, euskal hiztun bihurtzeko bidean.

Bide hori errazteko, ordea, Arturo Campion euskaltegiak kultur ekitaldi ugari antolatzen du urtero-urtero, ikasgelatik kanpo ere euskaraz ari daitezen. Azken batean, herria euskalduntzea dugu helburu, herritarrari euskara ongi irakatsiz eta euskaraz mintzatzeko aukera ugari izan dezan ahaleginak eginez. Horrela baizik ez baitu aurrera eginen euskarak: euskara ikasiz eta euskaraz mintzatuz. Beraz, euskaraz, ikas eta ari.

Email: campion@ikaeuskaltegiak.eus
Tfn: 948 22 22 46
Tfn: 678 78 67 39
ArturoCampioneu
arturocampioneuskaltegia.ika