Baku Barrikupel

Lizarraldean sortutako eta izaera ekologikoa duen proiektua da, mundu jasangarriago baten alde lan egiteko asmoz. Bizi garen eta lan egiten dugun ingurua ahaztu gabe.

Dekorazio lanak diseinatu eta sortzen ditugu, iada erabilgarriak ez diren eta baztertuak izan diren materialak abiapuntu bezala harturik.

Gure ibilera produktu desberdinen aurkezpenarekin hastea erabaki dugu, non kupelen egur berrerabilia lehengaia bihurtu den.

Lantzen dugun egurraren kalitatea, upategiko ingurua eta zurgintzaren alorrean dugun 35 urteko esperientzia dira gure egitasmo honen iturri nagusiak.

Protagonista nagusia den kupela, basoan jaiotzen da, gerora upaginak landu eta upategian zahartzearekin bere bizia bukatzear dagoela dirudienean, guk berreskuratu egiten dugu, bizitza berri bat merezi duelakoan.

Une horretan bertan ekingo diogu gure sortze lanari. Diseinuari garrantzi berezia emanez, eskuz landutako apaingarri erabilgarriak sortzen ditugu eta ahalik eta modu garbienean material berrerabiliak nahastuz, gure produktuek izango dituzten xehetasunak arretaz zaintzen ditugu esklusibotasuna bilatzen dugularik.