Kooperatiba energetiko berriztagarriak: REScoop
http://www.berria.eus/paperekoa/1822/043/001/2015-09-26/kooperatiba_energetiko_berriztagarriak_rescoop.htm
Goienerrek badu bere lehen infogunea Donostian
Gipuzkoako bolondres taldeak, atzo, irailarak 3, Infogunea inauguratu zuen Emaus Fundazioaren eco-shopean (Mendaurren plaza 3).
Esperientzia arrakastatsua izan zen, sarreran jarritako afixak jendea erakarri zuen, galderak egitera animatu ziren, baita bazkide egitera ere. Laburbilduz, giro ona nagusitu zen, bertan astez-aste egon beharko duten bolondresei oraindik indar gehiago emanez.
Hirian mota hontako lehen espazioa da. Hemendik aurrera, ostegunero 17:30etatik 19:30etara Goienerrek bide berri bat izango du harremanetan jartzeko bere bazkide eta kooperatiba ezagutu nahi duten guztiekin.
Ekimen honek erantzun ematen dio espazio fisiko bat edukitzeko beharrari, non erantzungo diren gure bazkideen zalantzak; bestalde, informazio pertsonalizatua eman nahi dio gizartearen zati bati, zeina aktiboki eskatzen ari bait da gaur egungo eredu energetikoaren alternatiba bat.
Bukatzeko, eskerrak eman Emaus Fundazioari bere laguntza ezinbestekoa izan bait da Infogune hau martxan jarri ahal izateko.
Goiener Elkarteak izena eman du Euskal Autonomia Erkidegoko Elkarteen Erroldan
2015eko abuztuaren 25ean eman zuen izena GOIENER ELKARTEAk Euskal Autonomia Erkidegoko Elkarteen Erroldan.
Derrigorrezko administrazio-espediente bat besterik ez izan arren, albistea alaitasun haundiz hartu zuten Goiener Elkarteko bolondresek, zeinen eguneroko lanari esker Goiener Elkartea errealitate bat bilakatu bait da. Legezko onarpena suposatzen du, proiektu zirraragarri hau garatzen hasteko.
Hau ez da erakundea martxan jartzeko hartutako urrats bat baino. Bide burokratikoarekin batera barne antolakuntzan lan egin da: bolondresen errolda, hauen seguruak, parte-hartze, gardentasun eta zeharkakotasun haundiagoak emango dituen metodologia…
Helburu berdinak lortu nahi dituzten beste elkarteekin ere lehen hartu-emanak ezarri dira, eta horrela, urratsez urrats gure burua ezagutzera eman nahi du.
Goiener Elkartea ez da hasi besterik egin eta parte hartu nahi duten pertsona guztientzat ateak zabalik ditu; horregatik interesaturik dauden guztiak animatzen ditu kontaktuan jartzea elkartea@goiener.com helbidea erabiliz.
Goiener, Skunkfunk-en argindar suministratzaile berria
Pasa den uztailean, moda eta jantzigintzako Skunkfunk empresa Goienerren bazkide bihurtu zen. Hemendik aurrera, energia %100 berriztagarria kontsumituko dute Lezaman dituzten bulego eta almazenek osatzen dituzten 7000 metro karratuetan.
Albiste bikaina da horren marka garrantzitsuak, Goienerrekin batera, egungo energia ereduaren aldaketan laguntzea eta gure gizartearen oinarri garrantzitsu bezela jasangarritasuna bultzatzea. Horrelako keinuek ikusgarritasuna ematen diote gure herriko sektore elektrikoaren demokratizazioa eskatzen duen gizarteren zati haundi bati.
Ekimen hau sektorean zabaltzeko elkarrekin lan egiten dugu, beste empresa batzuk gehitu daitezen.
Skunfunken inguruko informazio gehiagorako bere web orria bisita dezakezu: www.skunkfunk.com.
Txomin Barullo eta Bizizaleak konpartsek argindar %100 berriztagarria Aste Nagusiko bere txosnetan GoiEnerri esker
Aspalditik zetorren gurari bat beteko da Bilboko jaietan. Beste eredu energetiko baten aldeko bidean Txomin Barullo eta Bizizaleak konpartsek urratsa eman dute eta euren txoznetan argindar %100 berriztagarria kontsumituko dute. Energia berriztagarria bultzatzeaz gain, eskertzekoa da pertsonak eta natura ardatz dituen GoiEnerrekin egitea apustu hori.
GoiEnerrek erronka horri heldu zionean bazekien ez zela erreza izango, lehenengo aldia izan baita aldi baterako kontratuak egiten direna. Hala ere, oztopoak oztopo eta zailtasunak zailtasun, aurten Bizizaleak eta Txomin Barullok %100ean iturri berriztagarrietatik datorren argindarra izango dute Bilboko Aste Nagusian.
GoiEnerren aldetik eskerrak eman bi konpartsa hauei bidelagun izateagatik.
Espero dugu elkarrekin jorratu dugun bide hau konpartsa, peña, pirata, elkarte, talde eta jaizale gehiagorekin partekatu ahal izatea.
On egin.